حماس کے ایران اور حزب اللہ کے ساتھ قوی اور مضبوط تعلقات ہیں
سه شنبه, ۲۲ می ۲۰۱۸، ۰۳:۲۳ ب.ظ
تحریک حماس:
نیوزنور22مئی/فلسطینی اسلامی تحریک مقاومت حماس کے سربراہ کہا ہے کہ حماس کے ایران اور حزب اللہ کے ساتھ قوی اور مضبوط تعلقات ہیں۔
عالمی اردو خبررساں ادارے’’نیوزنور‘‘کی رپورٹ کے مطابق حماس کے سربراہ یحیی السنوار نے غزہ پٹی میں تاکید کرتے ہوئے کہا کہ حماس کے ایران اور حزب اللہ کے ساتھ قوی اور مضبوط تعلقات ہیں۔
السنوار نے کہا کہ ایران نےغزہ پر اسرائیل کے 2014 میں 51 روزہ حملے کے دوران اور اس کے بعد ہر قسم کی مدد کی۔ ایران فلسطینیوں کو مالی مدد فراہم کرنے کے ساتھ ہتھیاروں اور فوجی مشاورت کی مدد بھی فراہم کررہا ہے۔
انہوں نے کہا کہ فلسطینی ایران کی امداد کے شکر گزار ہیں فلسطینی آج اسرائیل کامقابلہ پتھروں سے نہیں بلکہ راکٹوں سے کررہے ہیں۔ ایران فلسطینیوں کی بے لوث حمایت کررہا ہے۔
