ایران شیعہ سنی اتحاد کا کامیاب رول ماڈل
اسلامی نظریاتی کونسل پاکستان کے چیئرمین :
نیوزنور28نومبر/ اسلامی نظریاتی کونسل پاکستان کے چیئرمین نے اسلامی جمہوریہ ایران کو شیعہ سنی اتحاد کا کامیاب رول ماڈل قرار دیا ہے۔
عالمی اردو خبررساں ادارے’’نیوزنور‘‘کی رپورٹ کےمطابق پشاور میں وحدت اسلامی کانفرنس سے خطاب کرتے ہوئے’’ ڈاکٹر قبلہ ایاز‘‘ نے کہا کہ اسلام دشمن قوتیں اپنے مفادات کی خاطر مسلم ممالک کو آپس میں لڑانے کی کوشش کر رہی ہیں۔
انہوں نے کہا کہ اتحاد اُمت کے حوالے سے اسلامی ممالک کو ایران کو رول ماڈل بنانا چاہیے۔
انہوں نے مسلمانوں کے درمیان اتحاد کو وقت کی اہم ترین ضرورت قرار دیتے ہوئے کہا کہ مسلمانوں کے درمیان تفرقہ اندازی کی سازشوں کو ناکام بنانا تمام مسلمانوں کی ذمہ داری ہے۔
قبلہ ایاز نےمزید کہا کہ ایران کے عوام نے دشمان اسلام کے مقابلے میں استقامت اور مقاومت کے راستے میں بے پناہ مشکلات برداشت کی لیکن انقلابی اُمنگوں سے ذرہ برابر قدم پیچھے نہیں ہٹایا۔
واضح ر ہے کہ پشاور میں منعقدہ وحدت اسلامی کانفرنس میں صوبے خیبر پختونخوا کے اہم سیاسی، مذہبی اور ادبی شخصیات نے بھی شرکت کی۔
