دشمنان اسلام مسلمانوں کے درمیان اختلافات کے بیچ بونے کی کوشش کر رہے ہیں
افغان عہدے دار:
نیوز نور22نومبر/افغانستان کے ایک سینئر عہدے دار نے کہا ہے کہ کابل خود کش حملے میں امریکی و اسرائیلی انٹلیجنس ایجنسیاں ملوث ہیں۔
عالمی اردو خبررساں ادارے’’نیوز نور‘‘ کی رپورٹ کے مطابق’’محمد حسن جعفری‘‘ نے کہا کہ دہشتگردوں کہ جنہیں امریکہ اور اسرائیل سمیت دیگراستکباری طاقتوں کی حمایت حاصل ہے دارالحکومت کابل کے دہشتگردانہ حملے کے ذمہ دارہیں۔
اُ مت مسلمہ کے درمیان اتحاد کی بر قراری پر تاکید کرتے ہوئے افغان عہدے دار نے کہا کہ دشمنان اسلام مسلمانوں کے درمیان اختلافات کے بیچ بونے کی کوشش کر رہے ہیں ۔
انہوں نے کہا کہ تکفیری دہشتگرد گروہ داعش اور طالبان کے خلاف نام نہاد جنگ جاری رکھنے کے بہانے استکباری قوتوں کا علاقائی عوام کے خلاف جرائم جاری رکھنے کا بہانہ ہے ۔
انہوں نے کہا کہ یہ تکفیری گروہ عالمی استکباری قوتوں کے ایجینٹ ہیں ۔
انہوں نے امریکہ سےافغان عوام کو تقسیم کرنے پر مبنی کاروائیاں فوری طور بند کرنے کا مطالبہ کرتے ہوئے کہا کہ امریکہ اور اسکے اتحادی افغانستان کی موجودہ صورتحال کے ذمہ دار ہیں ۔
انہوں نے کہا کہ امریکی عہدے دار افغانستان میں اپنے مفادات کے دفاع میں مصروف ہیں اور انہیں افغان عوام کی کوئی پرواہ نہیں ہے۔
انہوں نے مزید کہا کہ افغانستان کو غیر ملکی افواج کی موجود گی کی کوئی ضرورت نہیں ہے ۔
