امریکی و صیہونی شیطانی گٹھ بندن پر فتح کا واحد راستہ مقاومت ہے
لبنانی اہلسنت عالم دین:
نیوزنور۲۰ نومبر/لبنان کے ایک ممتاز اہلسنت عالم دین نے صیہونی رژیم کےساتھ تعلقات بحال کرنے کی کوششوں پر رجعتی علاقائی حکومتوں کو ہدف تنقید بناتے ہوئے ان ممالک سے غاصب رژیم کےساتھ ہر قسم کے تعلقات کو فوری طور ختم کرنے کا مطالبہ کیا ہے۔
عالمی اردوخبررساں ادارے’’نیوزنور‘‘کی رپورٹ کےمطابق ’’شیخ مہر عبدالرزاق‘‘نے صیہونی رژیم کےساتھ تعلقات بحال کرنے کی کوششوں پر رجعتی علاقائی حکومتوں کو ہدف تنقید بناتے ہوئے ان ممالک سے غاصب رژیم کےساتھ ہر قسم کے تعلقات کو فوری طور ختم کرنے کا مطالبہ کیا ہے۔
انہوں نے کہاکہ علاقائی مساوات کو بدلنے اورامریکی وصیہونی شیطانی گٹھ بندن پر فتح کا واحد راستہ مقاومت ہے۔
انہوں نے کہاکہ بے گناہ فلسطینیوں کے بہیمانہ قتل عام اوران کے گھروں کی مسماری کا جوا ب ہم میزائلوں سے دیں گے تاکہ فلسطین اورمقبوضہ یروشلم کی مکمل آزادی کی راہ ہموار ہو۔
انہوں نے کہاکہ صیہونی رژیم پر غزہ کے مجاہدین کی حالیہ فتح پوری اُمت مسلمہ کی فتح ہے ۔
انہوں نے مزید تمام مسلمانوں سے اتحاد کو فرو غ دینے کی تاکید کرتے ہوئے کہاکہ اتحاد ویکجہتی سے ہی صیہونی اورامریکی دشمن سے نمٹا جاسکتا ہے۔
