عالمی برادری فلسطینی عوام کو تحفظ اور حمایت فراہم کرے
عرب لیگ:
نیوزنور ۱۶ نومبر/عرب لیگ نے اپنے ایک بیان میں اسرائیل کے فلسطینی عوام پر منصوبہ بندی کے تحت سر زد کردہ جرائم اور جنگی حملوں کی شدید مذمت کرتے ہوئے عالمی برادری سے فلسطینی عوام کو تحفظ اور حمایت فراہم کرنے کا مطالبہ کیا ہے۔
عالمی اردوخبررساں ادارے’’نیوزنور‘‘کی رپورٹ کےمطابق عرب لیگ نے اپنے ایک بیان میں اسرائیل کے فلسطینی عوام پر منصوبہ بندی کے تحت سر زد کردہ جرائم اور جنگی حملوں کی شدید مذمت کرتے ہوئے فلسطینیوں کے لیے بین الاقوامی تحفظ و حمایت کا مطالبہ کیا ہے۔
مصری دارالحکومت قاہرہ میں مستقل نمائندگان کی سطح پر یکجا ہونے والی عرب لیگ کی جانب سے جاری کردہ اختتامی اعلامیہ میں کہا گیا ہے کہ عرب لیگ اسرائیل کے فلسطینی عوام پر منصوبہ بندی کے تحت سر زد کردہ جرائم اور جنگی حملوں کی شدید مذمت کرتی ہے۔
اعلامیہ میں کہا گیا ہے کہ غزہ میں جرائم کی ذمہ دار اسرائیلی حکومت ہے لہذا اس فعل کے ذمہ داروں کے خلاف عالمی عدالتوں میں کاروائی کی جانی چاہیے۔
یاد رہے کہ یہ اجلاس اسرائیل کے غزہ پر حملوں کی بنا پر فلسطینی انتظامیہ کے مطالبے پر سر انجام پایا۔
واضح رہے کہ زیر محاصرہ غزہ پٹی میں اسرائیلی فوج کی ایک خصوصی ٹیم سول گاڑی کے ذریعے غزہ میں داخل ہوئی تھی حماس کے فوجیوں کی جانب سے اس چیز کی اطلاع پانے پر جھڑپ ہوئی تھی جس میں 7 فلسطینی شہید اورایک اسرائیلی فوجی ہلاک ہو گیا تھا۔
