امریکہ افغانستان میں طالبان کو شکست دینے میں مکمل طور پر ناکام ہوا ہے
افغانستان میں تعئنات روسی صدر کے نمائندے:
نیوزنور ۱۴ نومبر/افغانستان میں روسی صدر کے نمائندہ خصوصی نے کہا ہے کہ امریکہ اور اس کے اتحادی افغانستان میں طالبان کو شکست دینے میں مکمل طورپر ناکام ہوچکے ہیں۔
عالمی اردوخبررساں ادارے’’نیوزنور‘‘ کی رپورٹ کے مطابق افغانستان میں روسی صدر کے نمائندہ خصوصی ’’ضمیر کابلوف ‘‘نےکہا کہ امریکہ اور اس کے اتحادی افغانستان میں طالبان کو شکست دینے میں مکمل طورپر ناکام ہوچکے ہیں۔
انہوں نے کہا کہ ماسکو افغان امن مذاکرات کے آغاز میں کردار ادا کررہا ہے کیونکہ امریکہ افغانستان میں ناکام ہوگیا ہے۔
انہوں نے کہا کہ افغان امن کانفرنس میں افغان حکام اور طالبان ایک ساتھ موجود تھے جو مکمل امن مذاکرات کی کوشش کی طرف پہلا قدم تھا۔
موصوف نمائندے نے کہا کہ افغانستان میں طویل عرصے سے جاری جنگ کی وجہ سے روس اور اس کے وسطی ایشیا کے اتحادیوں کو سیکورٹی خطرات درپیش ہیں۔
انہوں نے مزید کہا کہ امریکہ اور نیٹو نے افغان مسئلے میں مزید اضافہ کیا ہے۔
