صحافی کے قتل سے سعودی عرب کا مجرمانہ چہرہ بےے نقاب ہوا ہے
آذربائیجان کے ایک معروف سیاسی تجزیہ کار:
نیوزنور ۱۴ نومبر/آذربائیجان کے ایک معروف سیاسی تجزیہ کار نے کہا ہے کہ جمال خاشقچی کے بہیمانہ قتل سے پوری دنیا کے سامنے سعودی رژیم کا مجرمانہ چہرہ بے نقاب ہوا ہے۔
عالمی اردوخبررساں ادارے’’نیوزنور‘‘ کی رپورٹ کے مطابق ’’عاقف حیدرعلی‘‘نےکہاکہ جمال خاشقچی کے بہیمانہ قتل سے پوری دنیا کے سامنے سعودی رژیم کا مجرمانہ چہرہ بے نقاب ہوا ہے۔
انہو ں نے کہاکہ صحافی کا قتل اوریمن کے خلاف چار سالوں سے جاری وحشیانہ جارحیت سے عالمی سطح پر سعودی عرب کی پوزیشن کو انتہائی نقصان پہنچا ہے۔
انہوں نے کہاکہ جمال خاشقچی کے قتل اوراس پر عالمی برادری کے سخت ردعمل کے بعد سے سعودی عرب ایک بحرانی صورتحال میں پھنسا ہوا ہے۔
انہوں نے کہاکہ سعودی عرب کی قیادت میں نام نہاد عرب اتحاد نے یمن اورشام میں لاکھوں بے گناہ افراد کا خون بہایا ہے۔
انہوں نے کہاکہ جمال خاشقچی کے مسئلے سے نہ صرف سعودی عرب بلکہ ان کے اہم اتحادیوں خاص کر امریکہ کی ساکھ داغدار ہوئی ہے۔
واضح رہے کہ سعودی حکومت مخالف صحافی جمال خاشقجی کو ترکی کے شہر استنبول میں سعودی قونصل خانے جانے کے بعد سے لا پتہ ہو گئے تھے اور ذرائع ابلاغ کا کہنا ہے کہ شہر استنبول سے ہی ان کی مسخ شدہ لاش ملی ہے جس پر ایذا رسانی نشانات بھی موجود ہیں۔
یہ ایسی حالت میں ہے کہ جمال خاشقجی کا نام سعودی حکومت کی مخالفت کرنے کی وجہ سے سعودی عرب کو مطلوب افراد کی فہرست میں شامل رہا ہے اور وہ گرفتاری کے خوف سے ہی بیرون ملک زندگی بسر کر رہے تھے۔
