ایران ایٹمی معاہدے پرعمل پیراہے
بین الاقوامی ایٹمی ایجنسی کے سربراہ :
نیوزنور ۱۰ نومبر/بین الاقوامی ایٹمی ایجنسی کے سر براہ نے کہا ہے کہ ایران ایٹمی معاہدے پرعمل کر رہا ہے۔
عالمی اردوخبررساں ادارے’’نیوزنور‘‘کی رپورٹ کے مطابق بین الاقوامی ایٹمی ایجنسی کے سربراہ ’’یوکو آمانو‘‘نے اقوام متحدہ کی جنرل اسمبلی کے اجلاس سے خطاب میں کہا کہ اسلامی جمہوریہ ایران اپنے مشترکہ ایٹمی معاہدے پر عمل پیرا ہے۔
انہوں نے کہا کہ ہم نے ایران کے ایٹمی پروگرام پر قریبی نظر رکھی ہوئی ہے ایران اپنے ایٹمی وعدوں پر عمل پیرا ہےاور مشترکہ ایٹمی معاہدے کی روشنی میں ہماری نگرانی کا سلسلہ بھی جاری رہےگا۔
واضح رہے کہ یہ پہلی مرتبہ نہیں ہے کہ یوکو آمانو نے ایران کی جانب سے مشترکہ ایٹمی معاہدے پر عمل کرنے کی بات کی ہے جبکہ اس سے قبل بھی بین الاقوامی ایٹمی ایجنسی نے ایران کے جوہری پروگرام کے پر امن ہونے کی تائید کرتے ہوئے کہا تھا کہ ایران اپنے وعدے پرعمل کر رہا ہے۔
