امریکہ کی ایران مخالف پابندیاں علاقے میں عدم استحکام کا باعث ہیں
مصری صدر:
نیوزنور ۰۷ نومبر:مصر کے صدر نے اسلامی جمہوریہ ایران کے خلاف امریکہ کی ظالمانہ پابندیوں کی مذمت اور انہیں علاقے میں عدم استحکام کا باعث قراردیا ہے۔
عالمی اردوخبررساں ادارے’’نیوزنور‘‘کی رپورٹ کےمطابق شرمل شیخ میں ایک کانفرنس سے خطاب میں مصری صدر ’’عبدالفتح السیسی‘‘نے اسلامی جمہوریہ ایران کے خلاف امریکہ کی ظالمانہ پابندیوں کی مذمت اور انہیں علاقے میں عدم استحکام کا باعث قراردیا ہے۔
انہوں نے کہاکہ امریکی اقدامات سے پورے علاقے کا امن واستحکام متاثر ہوگا۔
امریکی صدر ٹرمپ نے ایران مخالف پابندیوں کی شکست پر پردہ ڈالنے کی کوشش کرتے ہوئے کہا ہے کہ وہ تیل کی عالمی منڈیوں میں قیمتوں کو کم رکھنے کی غرض سے ایران کے تیل پر بتدریج پابندیاں عائد کریں گے۔
واضح رہے کہ امریکا نے واضح طور پر پسپائی اختیار کرتے ہوئے آٹھ ملکوں کو ایران سے تیل خریدنے کے لئے مستثنی کر دیا ہے - ایٹمی معاہدے سے امریکا کے نکل جانے کے بعد بھی اس معاہدے پر دستخط کرنے والے دیگر ملکوں برطانیہ ، فرانس، جرمنی، چین اور روس نے اعلان کیا ہے کہ وہ ایٹمی معاہدے میں باقی رہیں گے اور ایران کے ساتھ تجارت کرتے رہیں گے اور ایرانی تیل بھی خریدتے رہیں گے۔
