امریکہ سعودی عرب کو ایک دودھ دینے والی گائے کی طرح دیکھتا ہے
شامی تجزیہ کار:
نیوزنور 05 نومبر:ہندوستان کے دارالحکومت دہلی میں مقیم ایک شامی صحافی نے کہا ہے کہ جمال خاشقچی کے بہیمانہ قتل سے آل سعود شاہی خاندان کا ظالمانہ چہرہ بے نقاب ہوا ہے۔
عالمی اردوخبررساں ادارے’’نیوزنور‘‘کی رپورٹ کے مطابق ایک مختصر انٹرویو میں ’’واعید آواد ‘‘نےکہاکہ جمال خاشقچی کے بہیمانہ قتل سے آل سعود شاہی خاندان کا ظالمانہ چہرہ بے نقاب ہوا ہے۔
انہوں نے کہاکہ جمال خاشقچی کے بہیمانہ قتل پر ترکی کے ردعمل کا مقصد اسے ایک عالمی مسئلہ بناکر سعودیہ کےساتھ براہ راست تصادم سے بچنا ہے اورحکومت انقرہ اس میں بہت حد تک کامیابی ہوئی ہے۔
انہوں نے کہاکہ ڈونالڈ ٹرمپ اپنے دیرینہ اتحادی سعودی عرب کہ جسے ہر محاذ پر شکست ہوئی ہے خاشقچی کے قتل کے مسئلے پر سعودی شاہی خاندان کو بچانے کی کوشش کررہی ہے۔
واعید آواد نے کہاکہ اگر خاشقچی کے قتل میں بن سلمان کو قصور پایا جاتا ہے تو اسے شاہی خاندان کے اندر مزید اختلافات پیدا ہونگے۔
انہوں نے کہاکہ امریکہ اورمغربی ممالک کو عالمی منڈی میں تیل کی سپلائی کیلئے سعودی عرب کی ضرورت ہے اس لئے انہوں نے ابھی تک ریاض کے خلاف کوئی بھی سخت قدم نہیں اُٹھایا ہے۔
انہوں نے کہاکہ فلسطین ،یمن ،شام کے محاذ پر امریکہ کے اتحادی سعودی عرب کو ذلت آمیز شکست کا سامنا ہے۔
انہوں نے کہاکہ امریکہ میں سعودی عرب کے اثاثوں پر ریاض کا کوئی کنٹرول نہیں ہے امریکہ سعودی عرب کو ایک دودھ دینے والی گائے کی طرح دیکھتا ہے۔
