امریکہ کی ایران مخالف پابندیاں عالمی اتفاق رائے کےمنافی ہیں
لبنانی تجزیہ کار:
نیوزنور 05 نومبر:لبنان کےایک معروف سیاسی تجزیہ نگار نے یورپی اورایشیا ممالک کی طرف سے ایران پر امریکہ کی نئی پابندیوں کی مخالفت کی طرف اشارہ کرتے ہوئےکہا ہےکہ حکومت واشنگٹن حکومت دباؤ یا دھمکیوں سے اپنے مقاصد حاصل کرنےمیں کبھی بھی کامیاب نہیں ہوگی۔
عالمی اردوخبررساں ادارے’’نیوزنور‘‘کی رپورٹ کے مطابق ’’کامل وزنی ‘‘نے کہاکہ دنیا کی اکثر ممالک امریکہ کی خود سرانہ پالیسیوں کے مخالف اورٹرمپ کے سامنے سرنڈر کرنے والےنہیں ہیں۔
انہوں نےکہاکہ یورپ،چین ،ہندوستان ،روس کے اسلامی جمہوریہ ایران کےساتھ اقتصادی ،تجارتی اورسفارتی تعلقات ہیں اوروہ ٹرمپ کو خوش کرنے کیلئے ان تعلقات کو نقصان پہچانے والےنہیں ہیں۔
انہوں نے کہاکہ ٹرمپ کی پالیسیوں کی خود امریکہ کے اندر سے مخالفت کی جارہی ہے۔
جامع مشترکہ ایکشن پلان سے امریکی علحیٰدگی کی طرف اشارہ کرتےہوئے انہوں نےکہاکہ یہ معاہدہ ایران اورامریکہ کے درمیان دوطرفہ معاہدہ نہیں ہے بلکہ ایک ایسا عالمی معاہدہ ہے جس کی اقوام متحدہ کے سیکورٹی کونسل نے بھی توسیع کی ہے۔
