قطر سے سعودی اعلیٰ حکام کی ذلت آمیز واپسی
معروف سعودی تجزیہ کار:
نیوزنور31اکتوبر/آل سعود خاندان کے اسرار فاش کرنے والے معروف سعودی تجزیہ کارنے کہا ہے کہ قطریوں نے سعودی بادشاہ شاہ سلمان کے مشیر اور سعودی وزیر خارجہ کی تحقیر اور تذلیل کرکے دوحہ ایئر پورٹ سے واپس بھیج دیا۔
عالمی اردو خبررساں ادارے’’نیوزنور‘‘کی رپورٹ کے مطابق آل سعود خاندان کے اسرار فاش کرنے والے معروف سعودی تجزیہ کار’’ مجتہد‘‘ نے اپنے ایک ٹوئٹر بیان میں کہا کہ قطریوں نے سعودی بادشاہ شاہ سلمان کے مشیر اور سعودی وزیر خارجہ کی تحقیر اور تذلیل کرکے دوحہ ایئر پورٹ سے واپس بھیج دیا۔
مجتہد نے انکشاف کیا ہے کہ قطریوں نے سعودی بادشاہ شاہ سلمان کے مشیرخالد الفیصل اورسعودی عرب کے وزیر خارجہ عادل الجبیر کی تحقیر اور تذلیل کرکے دوحہ ایئر پورٹ سے واپس بھیج دیا۔
مجتہد کے مطابق سعودی رعب کے وزیر خارجہ خفیہ دورے پر دوحہ پہنچے اورقطر نے اس کے جہاز کو اترنے کی اجازت دی لیکن اس کا کوئی استقبال نہیں کیا اور اسے چائے پلا کر دوحہ سے روانہ کردیا۔
انہوں نے کہا کہ سعودی عرب کے بادشاہ کے مشیر شہزادہ خالد الفیصل کو بھی دوحہ ایئر پورٹ پر اسی قسم کی صورتحال کا سامنا کرنا پڑا اور وہ اپنے جہاز سے اترے ہی نہیں۔
مجتہد کے مطابق سعودی عرب کے بادشاہ کے مشیر اور وزیر خارجہ دونوں قطر کے ساتھ مذاکرات کا سازباز کرنے میں ناکام ہوگئے ہیں۔
