سعودی عرب عالمی دہشت گردی کو بجٹ فراہم کرتا ہے
دوشنبه, ۲۹ اکتبر ۲۰۱۸، ۰۲:۲۱ ب.ظ
امریکی سینیٹر رینڈپال:
نیوزنور 29 اکتوبر/ایک امریکی سینیٹر نے کہا ہے کہ عالمی دہشت گردی کو سعودی عرب سے مالی بجٹ فراہم ہوتا ہے۔
عالمی اردوخبررساں ادارے’’نیوزنور‘‘کی رپورٹ کے مطابق امریکہ کے ریپبلکن سینیٹر ’’رینڈپال ‘‘نے ریاست مونٹانا میں ایک سیاسی اجلاس میں کہا کہ امریکہ کی حکومت کو سعودی عرب کے غلط و ناپسندیدہ رویے کو ہرگز نظرانداز نہیں کرنا چاہئے۔
انہوں نے اجلاس میں شریک ٹرمپ کے حامیوں کی موجودگی میں کہا کہ گیارہ ستمبر کے انیس حملہ آوروں میں سے پندرہ حملہ آور سعودی شہری تھے۔
رینڈپال نے کہا کہ یمن کے خلاف جنگ میں سعودی عرب کے ہاتھوں بے گناہ عام شہری مارے رہے ہیں۔
انہوں نے کہا کہ امریکی سینیٹ کو چاہئے کہ فوری طور پر سعودی عرب کے لئے امریکی ہتھیاروں کی فروخت روکے۔
