واشنگٹن کے ساتھ انقرہ کے تعلقات ترکی کے قومی مفادات کیلئے نقصان دہ ہیں
ترکی کی پیٹریاٹک کے سربراہ:
نیوزنور 17اکتوبر/ترکی کی پیٹریاٹک پارٹی کے سربراہ نے کہا ہے کہ اسلامی جمہوریہ ایران کے تیل ایکسپورٹ پر امریکہ کی یکطرفہ پابندیاں 19 دنوں کے اندر شروع ہونے والی ہیں لیکن ترکی اسلامی جمہوریہ ایران کو تنہا چھوڑنے والا نہیں ہے اورہم امریکی دباؤ کے مقابلے میں اسلامی جمہوریہ ایران کے شانہ بہ شانہ کھڑے ہیں۔
عالمی اردوخبررساں ادارے’’نیوزنور‘‘کی رپورٹ کے مطابق ایک بیان میں ’’دوغو پیرنسک ‘‘نےکہاکہ اسلامی جمہوریہ ایران کے تیل ایکسپورٹ پر امریکہ کی یکطرفہ پابندیاں 19 دنوں کے اندر شروع ہونے والی ہیں لیکن ترکی اسلامی جمہوریہ ایران کو تنہا چھوڑنے والا نہیں ہے اورہم امریکی دباؤ کے مقابلے میں اسلامی جمہوریہ ایران کے شانہ بہ شانہ کھڑے ہیں۔
انہوں نے کہاکہ ترکی کو امریکی دھمکیوں سے مرغوب ہونے کی ضرورت نہیں ہے اورایران مخالف اس کی پابندیوں کو حکومت کی طرف سےہر سطح پر مخالفت کی جانی چاہئے۔
انہوں نے اسلامی جمہوریہ ایران کو ترکی کا اہم اوراسٹریٹجک ہمسایہ قراردیتے ہوئے کہاکہ ایران پر امریکہ کی اقتصادی پابندیوں کی مخالفت کے ترکی کی معیشت پر مثبت اثرات مرتب ہونگے ترکی سستے داموں پر اسلامی جمہوریہ ایران سے گیس خریدکر اپنی توانائی کی ضروریات کو پورا کرسکتا ہے۔
انہوں نے امریکہ کے ساتھ ترکی کے تعلقات کو ترکی کی عوام کیلئے نقصان دہ قراردیتے ہوئے کہاکہ امریکہ ترکی مخالف دہشتگردوں کی حمایت کرتا رہا ہے۔
انہوں نے کہاکہ امریکی پابندیوں کے خلاف اسلامی جمہوریہ ایران کی حمایت کرکے انقرہ اورتہران کے تعلقات مزید مضبوط ہونگے اور اسے ایران ،روس ،ترکی ،عراق اور شامی محاذ مزید مضبوط ہوگا۔
