ایران تیل پابندیوں کا مقابلہ کرنے کی طاقت رکھتا ہے
چینی میڈیا:
نیوزنور16اکتوبر/چین کی سرکاری نیوز ایجنسی نے اپنی ایک رپورٹ میں کہا ہے کہ اسلامی جمہوریہ ایران نہ صرف تیل پابندیوں کا مقابلہ کرنے کی طاقت رکھتا ہے بلکہ وہ امریکی بلیک میلنگ کے سامنے سرنڈر نہیں کرے گا۔
عالمی اردو خبررساں ادارے’’نیوزنور‘‘کی رپورٹ کے مطابق چین کی سرکاری نیوز ایجنسی’’شن ہوا‘‘ نے اپنی ایک رپورٹ میں کہا کہ ایران امریکی پابندیوں اور ہٹ دھرمی کا بھرپور طاقت سے مقابلہ کرنے کی صلاحیت رکھتا ہے۔
رپورٹ میں کہا گیا ہے کہ نومبر میں امریکہ کی طرف سے جب نئی تیل پابندیوں کا آغاز ہوگا تو ایران بھرپور کوشش کررہا ہے کہ کسی بھی صورت میں ان پابندیوں کا مقابلہ کرے۔
رپورٹ کے مطابق اسلامی جمہوریہ ایران نے بارہا امریکی اقدامات کو چیلنج کیا اور حالیہ برسوں میں بھی اس نے پابندیوں کے سامنے قابل قدر مقاومت دکھائی ہے۔
چینی نیوز ایجنسی کے مطابق صدر ایران ڈاکٹر حسن روحانی نے بھی اپنی حالیہ تقریر میں قوم سے کہا تھا کہ امریکہ پابندیوں سے ایران کو نہیں جھکا سکتا اور نہ ہی ان پابندیوں سے ایرانیوں کی زندگی متاثر ہوگی۔
رپورٹ میں مزید کہا گیا ہے کہ ایران نے گزشتہ مہینوں کے دوران پر بیرل تیل جس کی قیمت کو کم سے کم 55 ڈالر مقرر ہونی تھی کو 80 ڈالر میں فروخت کیا ہے۔
