رقہ میں ہلاکتوں کا ذمہ دار امریکہ ہے
ایمنسٹی انٹرنیشنل:
نیوز نور15اکتوبر/انسانی حقوق کی بین الاقوامی تنظیم ایمنسٹی انٹر نیشنل مطابق شام کے شہر رقہ میں جنگ کے دوران 2521 افراد ہلاک ہوئے جن میں سے زیادہ تر اموات امریکی اتحادیوں کے فضائی حملوں سے ہوئیں۔
عالمی اردو خبررساں ادرے’’نیوزنور‘‘کی رپورٹ کے مطابق ایمنسٹی انٹر نیشنل نے اپنی ایک رپورٹ میں کہا کہ شام کے شہر اقہ میں ہونے والی ہلاکتوں کا ذمہ دار امریکہ ہے۔
ایمنسٹی انٹرنیشنل کہا کہ امریکی اتحادی افواج کی جانب سے شام کے شہر رقہ میں فضائی حملے سے بڑے پیمانے پر ہونے والی ہلاکتیں اور اس کی تفتیش میں ناکامی ان زندہ بچ جانے والوں کے منہ پر تھپڑ ہے جو داعش کے خلاف لڑے اور اب اپنی زندگی کو دوبارہ شروع کرنے کی کوشش کر رہے ہیں۔
بیان میں امریکی اتحادی کرد یونٹ ارلی ریکوری ٹیم کو تنقید کا نشانہ بناتے ہوئے کہا گیا ہے کہ ان کا فرض جاں بحق افراد کی لاشوں کو ڈھونڈ کر ان کی تدفین کرنا تھا لیکن اس معاملے میں بدترین اور مجرمانہ غفلت کا مظاہرہ کیا گیا ہے۔
بیان کے مطابق زندہ بچ جانے والوں سے زیادہ افراد کی لاشیں زیرزمین ہیں۔
