عالمی عدالت کی جانب سے ایران کے حق میں فیصلہ ایران کی حقانیت اور دیانت داری کا سب سے بڑا ثبوت
ایران میں متعین برطانوی سفیر :
نیوز نور15اکتوبر/ایران میں متعین برطانوی سفیر نے کہا ہے کہ جوہری معاہدے پر قائم رہنا ایران کیساتھ دوطرفہ تعلقات کی بنیاد ہے ۔
عالمی اردو خبررساں ادرے’’نیوزنور‘‘کی رپورٹ کے مطابق ایران میں متعین برطانوی سفیر ’’روب میکئر‘‘نے کہا کہ جامع مشترکہ ایکشن پلان پر عمل کرنا ایران کیساتھ دوطرفہ تعلقات کی بنیاد ہے۔
انہوں نے کہا کہ ہم ایران کو اقتصادی شعبے میں عالمی جوہری معاہدے کے فوائد سے فائدہ اُٹھانے کی کوشش کر رہے ہیں۔
موصوف سفیر نے کہا کہ ہرچند جوہری معاہدے پر پابندی برطانیہ کو سنگین نتائج کا سامنا کرنا پڑے گا لیکن اس کے باوجود ہم اپنے کئے گئے وعدوں پر عمل پیرا ہیں اور اس راستے کو جاری رکھیں گے۔
انہوں نے کہا کہ ایران میں برطانوی سفارت خانے کے کھولنے سے اب تک ہم سب دوطرفہ تعلقات کو مزید بڑھانے کی بھرپور کوشش کر رہے ہیں۔
برطانوی سفیر نے کہا کہ دوطرفہ تجارتی تعلقات کی توسیع کے علاوہ انسان کی ضروری سامان بشمول ادویات، خوراک اور صحت کی سہولتیں فراہم کرنا ایران اور برطانیہ کے درمیان تعلقات کو توسیع دینے کا پہلا قدم ہوسکتا ہے۔
انہوں نے کہا کہ ہم ایسے ابتدائی تجارتی اقدامات کے ذریعے پابندیوں کو شکست دے کر آہستہ آہستہ ان کاخاتمہ کر سکتے ہیں۔
انہوں نےکہا کہ بے شک بہت سی برطانوی کمپنیاں صوبے فارس میں موجودہ اچھی صلاحیتوں کی وجہ سے اس صوبے کے ساتھ تعلقات بڑھانے کی خواہاں ہیں۔
ملاقات میں صوبے فارس کے گورنر اسماعیل تبادارنے جوہری معاہدے پر یورپی ممالک کے مثبت مؤقف پر اطمینان کا اظہار کرتے ہوئے کہا کہ یقینی طور پر دنیا کی تاریخ اس ایٹمی سمجھوتے پر امریکی خلاف ورزی کو فراموش نہیں کرے گی۔
انہوں نے کہا کہ حقیقت میں عالمی عدالت انصاف کی جانب سے ایران کے حق پر فیصلہ کرنا ایران کی حقانیت اور دیانت داری کا سب سے بڑا ثبوت ہے۔
