ایران کے خلاف لگائی گئی پابندیوں کے مخالف ہیں
عراقی ڈپٹی اسپیکر:
نیوز نور15اکتوبر/عراقی ڈپٹی سپیکر نے امریکہ کی جانب سے ایران اور دوسرے ممالک پر لگائی گئی پابندیوں کی مخالفت کرتے ہوئے اختلافات کو بات چیت کے ذریعے حل کرنے پر زور دیاہے۔
عالمی اردو خبررساں ادرے’’نیوزنور‘‘کی رپورٹ کے مطابق عراق کی مجلس اعلائے اسلامی کے سربراہ ’’شیخ ہمام حمودی‘‘نے عراق مجلس اعلائے اسلامی کے قیام کی یاد میں منعقدہ تقریب میں خطاب کرتے ہوئے امریکہ کی جانب سے ایران اور دوسرے ممالک پر لگائی گئی پابندیوں کی مخالفت کرتے ہوئے اختلافات کو بات چیت کے ذریعے حل کرنے پر زور دیاہے۔
انہوں نے عراقی قوم کی جانب سے فلسطینی عوام کی حمایت پر زور دیتے ہوئےعراق پر بمباری سے متعلق ناجائز صہیونی ریاست دھمکیوں کی شدت سے مذمت کی۔
عراقی ڈپٹی سپیکر نے صہیونی دھمکیوں کے رد عمل میں کہا کہ ہم اپنے وطن کی بھرپور دفاع کرنے کی صلاحیت رکھتے ہیں۔
شیخ ہمام حمودی نے مزیدکہا کہ عراق خطے اور دنیا کے دوسرے ممالک کے ساتھ تعلقات میں توازن برقرار رکھنے کی کوشش کر رہا ہے۔
