شامی سر زمین پروائٹ ہیلمٹ نامی گروہ دہشتگردوں کا سب سے بڑا معاون
اقوام متحدہ میں تعئنات روسی مندوب :
نیوزنور13اکتوبر/اقوام متحدہ میں روس کے مستقل مندوب نے سلامتی کونسل کے اجلاس سے خطاب کرتے ہوئے وائٹ ہیلمٹ گروپ کو سیکورٹی تھریٹ قرار دیتے ہوئےمغربی ممالک پر زور دیا کہ وہ فوری طور پر وائٹ ہیلمٹ گروپ کو شام سے باہر نکالنے کا بندوبست کریں۔
عالمی اردو خبررساں ادارے’’نیوزنور‘‘کی رپورٹ کے مطابق اقوام متحدہ میں روس کے مستقل مندوب’’ ویسلے نبنزیا‘‘ نے سلامتی کونسل کے اجلاس سے خطاب کرتے ہوئے وائٹ ہیلمٹ گروپ کو سیکورٹی تھریٹ قرار دیتے ہوئے مغربی ممالک پر زور دیا کہ وہ فوری طور پر وائٹ ہیلمٹ گروپ کو شام سے باہر نکالنے کا بندوبست کریں۔
روس کے مستقل مندوب نے کھل کر یہ بات کہی کہ شامی عوام کی امداد کے نام پر سرگرم یہ گروپ دہشتگردوں کے ساتھ تعاون کر رہا ہے۔
روسی مندوب کے بیان پر امریکہ، برطانیہ اور فرانس جیسے ملکوں نے منفی ردعمل ظاہر کیا۔
قابل ذکر ہے کہ وائٹ ہیلمٹ گروپ مارچ دو ہزار تیرہ میں امریکہ، برطانیہ اور ترکی کی مالی معاونت سے قائم ہوا تھا اور اسے شام میں دہشتگرد گروہوں کے زیر قبضہ علاقوں میں طبی امداد پہنچانے کا مشن سونپا گیا تھا۔
واضح رہے کہ دہشتگردوں کے قبضے سے آزاد ہونے والے علاقوں سے ملنے والی اسناد اور دستاویزی شواہد سے پتہ چلتا ہے کہ وائٹ ہیلمٹ گروپ نے تحریر الشام نامی گروہ کے ساتھ مل کر عام شہریوں کے خلاف کیمیائی حملوں کا ڈرامہ رچایا تھا اور اس کا الزام شامی حکومت پر عائد کیا تھا۔
