رام اللہ حکومت میں قومی مسائل کے حل کی اہلیت نہیں
حما س کے ترجمان:
نیوزنور11اکتوبر/فلسطینی اسلامی تحریک مقاومت حماس کے ترجمان نے کہا ہے کہ وزیراعظم رامی الحمد اللہ کی حکومت فلسطینی قوم کو درپیش مسائل کے حل کی صلاحیت نہیں رکھتی۔
عالمی اردو خبررساں ادارے’’نیوزنور‘‘کی رپورٹ کے مطابق حماس کے ترجمان’’ فوزی برہوم‘‘ نے کہا کہ فلسطینی کابینہ کے اجلاس میں غزہ کے حوالے سے جو مؤقف اختیار کیا گیا وہ غلط بیانی، جھوٹ اور دروغ گوئی پر مبنی ہےاور فلسطینی حکومت رائے عامہ کو گمراہ کرنے کی کوشش کررہی ہے۔
انہوں نے کہا کہ وزیراعظم رامی الحمد اللہ کی حکومت غزہ پٹی کے حوالے سے اپنی ذمہ داریوں کی ادائی میں ناکامی پر پردہ ڈالنے کے لیے حماس پر الزام تراشی کررہی ہے۔
موصوف ترجمان نے کہا کہ فلسطینی اتھارٹی غزہ پٹی کےعوام کو مشکلات میں ڈال کران کی تکالیف لذت محسوس کررہی ہے۔
انہوں نے کہا کہ رام اللہ اتھارٹی کی طرف سے غزہ کا محاصرہ مسلسل جاری ہے اور رام اللہ اتھارٹی غزہ کے عوام کے حقوق کے حوالے سے مسلسل غیرذمہ دارانہ طرز عمل پر چل رہی ہے۔
فوزی برہوم نے مزید کہا کہ رامی الحمد اللہ کی حکومت میں ملک کے مسائل، انتظامی امور اور قومی نوعیت کے مسائل کے حل کی اہلیت نہیں ہے۔
