ٹرمپ کی قیادت میں امریکہ مزید تنہا پڑرہا ہے
ملیشیائی یونیورسٹی پروفیسر:
نیوزنور:02اکتوبر/ملیشیا یونیورسٹی کے ایک معروف اُستاد نے عالمی مسائل کے تئیں ٹرمپ کے مؤقف کو انتہائی خطرناک قراردیتے ہوئے کہا ہے کہ ان کی قیادت میں امریکہ عالمی سطح پر تنہائی کا شکار ہے۔
عالمی اردوخبررساں ادارے’’نیوزنور‘‘کی رپورٹ کے مطابق اسلامک ریپبلک نیوز ایجنسی کےساتھ انٹرویو میں ’’شکری شعیب‘‘نے عالمی مسائل کے تئیں ٹرمپ کے مؤقف کو انتہائی خطرناک قراردیتے ہوئے کہا کہ ان کی قیادت میں امریکہ عالمی سطح پر تنہائی کا شکار ہے۔
انہوں نے کہاکہ امریکی صدر نے یکطرفہ طورپر واشنگٹن کو بین الاقوامی جوہری معاہدے سے الگ کیا اوراس اقدام کی اکثر عالمی برادری سمیت واشنگٹن کے پورپی اتحادیوں نے بھی مذمت کی ۔
انہوں نے کہا کہ ٹرمپ نےامریکہ کو دیگر عالمی تنظیموں اورمعاہدوں سے الگ کیا ہے جس میں یونیسکو اورپیرس معاہدہ بھی شامل ہے۔
انہوں نے کہاکہ ٹرمپ نہ صرف عالمی برادری بلکہ خود امریکیوں کیلئے ایک بڑا خطرہ ہیں۔
ٹرمپ نے عالمی مسائل کے تئیں جو مؤقف اپنایا ہے اس کے ذریعے وہ امریکہ کو ایک با پھر عظیم نہیں بناسکتے۔
انہوں نے سوال کیا کہ کیا امریکی قوم چین ،روس اوریورپی یونین جیسی عالمی طاقتوں کو اپنا دشمن سمجھنے کو تیار ہیں؟ کیا ٹرمپ انتظامیہ امریکہ کو ایک با پھر عظیم بناسکتی ہے؟
انہوں نے کہاکہ ٹرمپ انسانیت کے ہمدر دنہیں بلکہ انسانیت کے دشمن ہیں اقوام متحدہ کی جنرل اسمبلی میں ان کی حالیہ تقریر تباہ کن ہے۔
انہوں نے کہاکہ آج ہم ٹرمپ انتظامیہ کے باعث عالمی سطح پر امریکہ کے تنہا پڑھنے کا مشاہدہ کررہے ہیں۔
