سعودی عرب نے یمن میں سب سے بڑی انسانی تباہی رقم کی ہے
یمنی نمائندہ:
نیوزنوریکم اکتوبر/یمن دفتر خارجہ کے ایک نمائندے نے یمن بحران کے حوالے سے سعودی وزیر خارجہ کے دعوؤں کے رد عمل میں کہا کہ سعودی عرب نے اس ملک میں سب سے بڑی انسانی تباہی رقم کی ہے۔
عالمی اردو خبررساں ادارے’’نیوزنور‘‘کی رپورٹ کے مطابق یمنی وزارت خارجہ کے ایک نمائندے نے اپنا نام ظاہر کئے بغیر یمن بحران کے حوالے سے سعودی وزیر خارجہ کے دعوؤں کے رد عمل میں کہا کہ سعودی عرب نے اس ملک میں سب سے بڑی انسانی تباہی رقم کی ہے۔
انہوں نے اقوام متحدہ کی جنرل اسمبلی میں سعودی وزیر خارجہ عادل الجبیر کے دعوؤں پر تبصرہ کرتے ہوئے کہا کہ یمن کے لئے سعودی عرب کی طرف سے 13 ارب ڈالرکی مالی معاونت کا دعوی ٹھیک اسی وقت کہ جب وہ اس ملک کو اپنے حملوں کا نشانہ بناتا ہے صرف عالمی برادری کو دھوکہ دینے کی غرض سے ہوتا ہے۔
یمنی نمائندے نے کہا کہ ان بیانات کا اظہار صرف یمن میں سعودی عرب کے جنگی جرائم، تباہی اور نہتے لوگوں کے قتل عام کو چھپانے کے مقصد سے پیش کیا جاتا ہے۔
انہوں نے مزید کہا کہ سعودی عرب نے امریکہ کی حمایت اور اپنے اتحادیوں کے ساتھ مل کر دو ہزار پندرہ سے یمن کو اپنی وحشیانہ جارحیت کا نشانہ بنا رکھا ہے جس میں اب تک ہزاروں بے گناہ یمنی شہری شہید و زخمی اور لاکھوں بے گھر ہو چکے ہیں۔
