نیوزنور newsnoor

خطیب جمعہ تہران:

 نیوزنور29ستمبر/تہران کے خطیب جمعہ نے خبردار کیا ہے کہ امریکہ و اسرائیل نے اگر کوئی غلطی کی تو علاقے میں ان کے ٹھکانے محفوظ نہیں رہیں گے۔

عالمی اردوخبر رساں ادارے’’نیوز نور‘‘ کی رپورٹ کے مطابق تہران کے خطیب جمعہ’’ آیت اللہ محمد علی موحدی کرمانی‘‘ نے خبردار کیا کہ امریکہ و اسرائیل نے اگر کوئی غلطی کی تو علاقے میں ان کے ٹھکانے محفوظ نہیں رہیں گے۔

انہوں نے کہا کہ ایران کے خلاف دشمن کی وسیع سازشوں اور نفسیاتی و اقتصادی جنگ کا مقصد میدان عمل میں ہمیشہ موجود رہنے والی ایران کی بہادر و غیور قوم میں مایوسی پیدا کرنا ہے۔

انہوں نے کہا کہ ایران کے چالیس سالہ اسلامی انقلاب نے امریکہ اور بین الاقوامی صیہونزم کی سرکردگی میں عالمی سامراج کی چولیں ہلا کر رکھ دی ہیں۔

موصوف خطیب جمعہ نے خبردار کیا کہ امریکہ و اسرائیل نے اگر کوئی غلطی کی تو علاقے میں ان کے ٹھکانے محفوظ نہیں رہیں گے۔

تہران کے خطیب جمعہ نے اہواز کے دہشتگردانہ حملے کی مذمت کرتے ہوئےکہا کہ اس طرح کے مجرمانہ اقدامات دشمنوں اور دہشتگردوں کی بے بسی کو نمایاں کرتے ہیں۔

آیت اللہ محمد علی موحدی کرمانی نے مزیداقوام متحدہ کی جنرل اسمبلی کے اجلاس کی طرف اشارہ کرتے ہوئے کہا کہ ظلم کا نتیجہ سقوط و زوال ہے اور امریکی صدر ٹرمپ تصور بھی نہیں کر سکتے تھے کہ اتنے بڑے پلیٹ فارم پر دنیا کے مختلف ملکوں کے صدور و اعلٰی حکام ان کی باتوں کا مزاق اُڑاتے ہوئے قہقہے لگائیں گے۔