نیوزنور newsnoor

ہیومن رائٹس واچ :

نیوزنور29ستمبر/انسانی حقوق کی ایک عالمی تنظیم نے ایک بیان میں اعلان کیا ہے کہ میانمار کی فوج اور انتہا پسند بدھسٹوں کے ہاتھوں روہنگیائی مسلمانوں کی نسل کشی جیسے جرائم کا جائزہ لینے کے لئے ایک قانونی ادارے کا قیام عمل میں لایا جائے گا۔

عالمی اردوخبر رساں ادارے’’نیوز نور‘‘ کی رپورٹ کے مطابق’’ہیومن رائٹس واچ‘‘ کے بیان میں کہا گیا ہے کہ قائم کئے جانے والے بین الاقوامی قانونی ادارے میں روہنگیائی مسلمانوں کے خلاف میانمارکی فوج اور انتہا پسند بدھسٹوں کے ہاتھوں جرائم اور قتل عام کی تمام دستاویزات جمع کی جائیں گی۔

اقوام متحدہ کے انسانی حقوق کے خصوصی معائنہ کاروں نے گذشتہ ہفتے میانمار میں روہنگیائی مسلمانوں کے قتل عام اور ان کے خلاف جرائم کے بارے میں ایک رپورٹ جاری کی ہے اور اس سلسلے میں میانمار کے پانچ فوجی کمانڈروں کے ساتھ ساتھ فوج کے کمانڈر جنرل کے خلاف قانونی کارروائی کئے جانے کی ضرورت پر زور دیا گیا ہے۔

واضح رہے کہ رپورٹ کے بعد دنیا کے مختلف ملکوں نے مجرموں کے خلاف کڑی قانونی کارروائی کئے جانے کا مطالبہ کیا ہے۔