نیوزنور newsnoor

بین الاقوامی امور کے امریکی ماہر:

نیوزنور27ستمبر/بین الاقوامی امور کے ایک امریکی ماہر نے کہا ہے کہ ٹرمپ انتظامیہ کی پابندی پرمبنی ایران مخالف پالیسی سے نہ صرف اسلامی جمہوریہ ایران بلکہ پوری دنیا متاثر ہوگی۔

عالمی اردوخبررساں ادارے’’نیوزنور‘‘کی رپورٹ کے مطابق ایرانی ذرائع ابلاغ کےساتھ ایک مختصر انٹرویو میں ’’جان اوبرگ‘‘نےکہاکہ ٹرمپ انتظامیہ کی پابندی پرمبنی ایران مخالف پالیسی سے نہ صرف اسلامی جمہوریہ ایران بلکہ پوری دنیا متاثر ہوگی۔

انہوں نے کہاکہ امریکہ ایک سامراجی قوت ہے اوردنیا بھر کیلئے اس کا پیغام افراتفری اورتباہی ہے۔

انہوں نے کہاکہ  ایران مخالف طاقتیں اس اہم ملک کے خلاف  امریکہ کےساتھ مل کر سازشیں کررہے ہیں۔

انہوں نے کہاکہ امریکہ کی ایران مخالف پالیسی کا کوئی جواز نہیں ہے اوریہ بین الاقوامی قوانین کے منافی ہے۔

اقوام متحدہ میں ٹرمپ کی ایران مخالف تقریر پر ردعمل ظاہر کرتے ہوئے ایرانی صدرڈاکٹر حسن روحانی نے کہاکہ ٹرمپ بغیر کسی دلیل کے مشترکہ ایٹمی معاہدے سے خارج ہوگئے اوراس پل کو مکمل طورپر تباہ کردیا جسے مشترکہ ایٹمی معاہدے کے ذریعے ترمیم کیاجارہا تھا ۔

انہوں نے ٹرمپ کو ہدف تنقید بناتے ہوئے کہاکہ ہر محاذ پر اُلجھناطاقتور ہونے کی علامت نہیں یہ ذہنی بیماری یا کمزوری کے اثرات ہیں۔

انہوں نے کہاکہ امریکہ کی جانب سے ایرانی عوام کے خلاف پابندیاں غیر قانونی اورظالمانہ ہیں اوریہ پابندیاں امریکی حکومت کے بارے میں ایرانی عوام کی قضاوت میں مؤثر واقعہ ہونگی اوریہ بات کوئی بلاوجہ نہیں ہے کہ ملین مارچ میں امریکہ کے خلاف ایرانی عوام کے نعرے ماضی سے کہیں زیادہ تیز ہوئے ہیں۔