دنیا بھر میں خواتین کو سب سے زیادہ تشدد کا سامنا ہے
یورپی یونین کے امور خارجہ کی انچارج :
نیوز نور24 ستمبر/یورپی یونین کے امور خارجہ کی انچارج نے کہا ہے کہ دنیا بھر میں خواتین کو سب سے زیادہ تشدد کا سامنا کرنا پڑھ رہا ہے۔
عالمی اردو خبررساں ادارے’’نیوزنور‘‘کی رپورٹ کے مطابق کینیڈا میں دنیا بھر کی خواتین وزرائے خارجہ کے اجلاس کے موقع پر صحافیوں سے بات چیت کرتے ہوئے’’ فیڈریکا موگرینی‘‘نے کہا کہ عالمی معیشت اور خارجہ پالیسی میں خواتین اہم کردار ادا کر رہی ہیں لیکن اس کے باوجود انہیں تشدد کی بھینٹ چڑھایا جا رہا ہے۔
انہوں نے کہا کہ دنیا کو یہ بتانے کی ضرورت ہے کہ خواتین فیصلہ ساز عہدوں پر اپنی ذمہ داریوں کی ادائیگی کے ساتھ ساتھ اپنے اختیارات کو انسانی حقوق کے ارتقاء کی غرض سے استعمال کرتی ہیں۔
واضح ر ہے کہ دنیا کی خواتین وزرائے خارجہ کا دو روزہ اجلاس کینیڈا کے شہر مونٹریال میں منعقدہ ہوا جس میں اٹھارہ ملکوں کی خواتین وزرائے خارجہ نے شرکت کی۔
