شام پر اسرائیلی حملوں کو برداشت نہیں کیا جائے گا
سید حسن نصراللہ :
نیوزنور23ستمبر:حزب اللہ لبنان کے سربراہ نے کہا ہے کہ شام پر اسرائیلی حملوں کو برداشت نہیں کیا جائے گا اور یہ اب بند ہونا چاہئیں۔
عالمی اردوخبررساں ادارے’’نیوزنور‘‘کی رپورٹ کے مطابق سیدحسن نصراللہ نے یہ بات زور دے کر کہی کہ مقاومت کے محور کو شام پر اسرائیل کے پے در پے حملوں کا جائزہ لے کر اس کے تدارک کا مناسب راستہ تلاش کرنا ہو گا۔
انہوں نے وضاحت کرتے ہوئے بیان کیا کہ اسرائیلی حملوں کا شام میں امریکی سعودی اور صیہونی سازش کی ناکامی سے براہ راست تعلق ہے۔
انہوں نے اسرائیل کی سازش کی طرف اشارہ کرتے ہوئے کہا کہ اسرائیل اپنی تمام کوشش اس چیز کی طرف کر رہا ہے کہ کسی بھی طریقے سے شام میزائیل ٹیکنالوجی حاصل نہ کر سکے ۔
حزب اللہ لبنان کے سربراہ نے شام میں حزب اللہ لبنان کے جوانوں کے قیام کی طرف اشارہ کرتے ہوئے کہا کہ جب تک شامی قیادت چاہے گی حزب اللہ کے جوان،شام میں موجود رہیں گے اور دشمن کی سازش کو ناکام کرتے رہے نگے۔
