سوچی معاہدہ تہران اجلاس کی سفارتی کوشششوں کا نتیجہ ہے
ایرانی مندوب:
نیوزنور 19ستمبر :اقوام متحدہ میں ایران کے مستقل مندوب نے ایران کے خلاف امریکی الزامات کو شام میں امریکہ کی جانب سے اپنی شکست پر پردہ ڈالنے سے تعبیر کرتے ہوئے کہاہے کہ سوچی معاہدہ تہران اجلاس کی سفارتی کوشششوں کا نتیجہ ہے۔
عالمی اردوخبررساں ادارے’’نیوزنور‘‘کی رپورٹ کے مطابق اقوام متحدہ میں ایران کے مستقل مندوب غلامعلی خوشرو نے مشرق وسطی اور شام کے موضوع پر سلامتی کونسل کے اجلاس سے خطاب کرتے ہوئے کہا کہ سوچی معاہدہ ایران،ترکی اور روس کے مابین 7 ستمبر کو تہران اجلاس کی سفارتی کوشششوں کا نتیجہ ہے۔
ایران کے مستقل مندوب نے کہا کہ سوچی معاہدہ دہشتگردی کے خلاف جنگ جاری رکھنے کے اصولوں پر مبنی ہے تا کہ شام میں سویلین کی ہلاکتوں کوروکا جا سکے۔
انہوں نے مزیدکہا کہ سوچی معاہدہ شام میں شامی حکومت کی حاکمیت کیلئے ہے تا کہ دوسرے ممالک کی طرح شام کی حکومت بھی اپنی رٹ قائم کر سکے۔
