امریکہ عالمی رائے عامہ کو شام پر ایک اور جارحیت کیلئے آمادہ کررہا ہے
روسی دفتر خارجہ کی تر جمان:
نیوزنور14ستمبر/ترجمان روسی دفترخارجہ نے کہا ہے کہ امریکہ شام پر ایک نئی فوجی جارحیت کرنے کے مقصد سے عالمی رائے عامہ کو اپنی طرف کرنے کی کوشش کررہا ہے۔
عالمی اردو خبررساں ادارے’’نیوزنور‘‘کی رپورٹ کے مطابق روسی دفتر خارجہ کی خاتون ترجمان ’’ماریا زاخارووا‘‘ نے ماسکو میں اپنی ہفتہ وار پریس بریفنگ کے دوران میڈیا سے گفتگو کرتے ہوئے کہا کہ امریکہ شام پر ایک نئی فوجی جارحیت کرنے کے مقصد سے عالمی رائے عامہ کو اپنی طرف کرنے کی کوشش کررہا ہے۔
انہوں نے شام کے خلاف امریکی مہم جوئی اور دھمکیوں کا حوالہ دیتے ہوئے کہا کہ عالمی سیاست میں امریکی اقدامات سے لے کر ان کے حکام اور ان کے میڈیا کے خیالات باعث تشویش ہیں۔
روسی ترجمان نے کہا کہ ایسا لگتا ہے کہ امریکہ کا مقصد شام پر ایک نئی جارحیت کے حوالے سے عالمی رائے عامہ کو آمادہ کرنا ہے۔
انہوں نے مزید کہا کہ امریکہ شامی علاقے ادلب میں موجود دہشتگردوں کے خلاف شامی فوج کے آپریشن کو تاخیر کا شکار کرنا چاہتا ہے۔
