بصرہ میں ایرانی کونسل خانے پر حملے میں امریکہ براہ راست ملوث ہے
عراقی قانون ساز:
نیوز نور 11ستمبر/عراق کے ایک سینئر قانون ساز نے ملک کے جنوبی شہر بصرہ کو تباہ کرنے کے امریکہ کے ناپاک منصوبوں کی باپت خبردار کرتے ہوئے کہا ہے کہ شہر میں ایرانی کونسل خانے پر مشتعل افراد کا حملہ اور دیگر واقعات میں امریکہ ملوث ہے۔
عالمی اردوخبررساں ادارے’’نیوزنور‘‘کی رپورٹ کے مطابق ’’فلاح الخزالی‘‘نے ملک کے جنوبی شہر بصرہ کو تباہ کرنے کے امریکہ کے ناپاک منصوبوں کی باپت خبردار کرتے ہوئے کہا ہے کہ شہر میں ایرانی کونسل خانے پر مشتعل افراد کا حملہ اور دیگر واقعات میں امریکہ ملوث ہے۔
انہوں نے کہاکہ بصرہ میں لوگوں کے مطالبات جائز تھے اورہم سبھی اسے اتفاق رکھتے ہیں تاہم امریکہ اوراسرائیل کے ایجنٹوں نے ان مظاہرین میں گھس کر انہیں پرتشدد بنادیا ۔
انہوں نے کہاکہ حشد الشعبی کے ہیڈکواٹر کو نشانہ بنانا ،اسپتالوں کو نظرآتش کرنا اور ایرانی کونسل خانے پر حملہ کرنا اس بات کا ثبوت ہے کہ عراق کے خلاف ایک خطرناک منصوبے کے تحت نقصان پہنچانے کی کوشش کی جارہی ہے۔
انہوں نے کہاکہ بصرہ میں قائم امریکی کونسل خانہ اوران سے وابستہ بعض سویل تنظیمیں شہر میں رونما ہوئے واقعات کے ذمہ دار ہیں۔
