صیہونی حکومت حزب اللہ لبنان کے جدید ترین میزائلوں کا مقابلہ کرنے کی توانائی نہیں رکھتی
موساد کے سابق اعلیٰ عہدیدارے:
نیوزنور 10ستمبر/اسرائیل کے بدنام زمانہ خفیہ ادارے موساد کے سابق اعلی عہدیدار نے اعتراف کیا ہے کہ صیہونی حکومت حزب اللہ لبنان کے جدید ترین میزائلوں کا مقابلہ کرنے کی توانائی نہیں رکھتی۔
عالمی اردوخبررساں اداے’’نیوزنور‘‘کی رپورٹ کے مطابقموساد کے سابق اعلی عہدیدار’’ نفتالی گرانوت ‘‘نے کہا کہ حزب اللہ نے حال ہی میں انتہائی ایکوریٹ جی پی ایس بیسڈ گائیڈڈ سسٹم تک رسائی حاصل کرلی ہے جن کی مدد وہ اپنے ہیوی راکٹس کو گائیڈڈ میزائل میں تبدیل کرنے کے قابل ہے۔
انہوں نے کہا کہ اس پیشرفت کے نتیجے میں حزب اللہ کی میزائل تیار کرنے کی ٹیکنالوجی نئے مرحلے میں داخل ہو گئی ہے۔
موساد کے سابق اعلی عہدیدار نےکہا کہ شام میں داعشی دشت گردوں کے خلاف جنگ میں کامیابی سے حزب کے حوصلے اور بلند اور خود اعتمادی میں مزید اضافہ ہوا ہے۔
اسرائیلی فوج کے ایک سابق کمانڈر نوام تیفون نے بھی کہا کہ اسرائیل کا اینٹی میزائل سسٹم کارآمد نہیں رہا کیونکہ حزب اللہ کے میزائل مقبوضہ علاقوں میں قائم اسرائیل کے اسٹریٹیجک اہداف کو نشانہ بنانے کی توانائی رکھتے ہیں۔
دوسری جانب اسرائیل کے ذرائع ابلاغ نے ایک بار پھر حزب اللہ کے سربراہ سید حسن نصراللہ کی قائدانہ صلاحیتوں کو صیہونی حکومت کے لیے خطرہ قرار دیا ہے۔
معروف اسرائیل تجزیہ نگار عاموس ہیریل نے روزنامہ ہاآریتز میں چپھنے والے ایک مقالے میں سید حسن نصر اللہ کے حالیہ خطاب کا حوالہ دیتے ہوئے اسرائیلی فوج پر پڑنے والے نفسیاتی دباؤ کا ذکر کیا ہے۔
اسرائیلی ٹیلی ویژن چینل دس کے اینکر نے بھی سید حسن نصراللہ کو ایسا ماہر اور خرد مند خطیب قرار دیا ہے جو اسرائیل سماج کی کمزوریوں کا تجزیہ و تحلیل کرنے میں غلطی نہیں کرتا۔
عرب امور کے مشہور تجزیہ نگار ریفی یحزکلی نے بھی کہا ہے کہ حزب اللہ لبنان کے سربراہ سید حسن نصراللہ جو تجزیہ پیش کرتے ہیں وہ اس سے پہلے کسی نے پیش نہیں کیا ہوتا۔
