شام میں دہشتگردوں کی اُلٹی گنتی شروع ہوگئی
ایرانی پارلیمنٹ کے اسپیکر :
نیوزنور08ستمبر/ایرانی پارلیمنٹ کے اسپیکر نے انسداد دہشتگردی پر ایران اور روس کے مؤثر تعاون کا حوالہ دیتے ہوئے کہا ہے کہ آج شام میں دہشتگردوں کی اُلٹی گنتی شروع ہوگئی ہے۔
عالمی اردو خبررساں ادارے’’نیوزنور‘‘کی رپورٹ کے مطابق ایرانی پارلیمنٹ کے اسپیکر ’’ڈاکٹرعلی لاریجانی‘‘ نے روس کے جنوب مغربی شہر وولگوگراد میں اپنے روسی ہم منصب ویشوشلاو والیڈین کے ساتھ ایک ملاقات میں انسداد دہشتگردی پر ایران اور روس کے مؤثر تعاون کا حوالہ دیتے ہوئے کہا ہے کہ آج شام میں دہشتگردوں کی اُلٹی گنتی شروع ہوگئی ہے۔
انہوں نے کہا کہ امریکہ ایران اور روس پر دباؤ ڈال رہا ہے اور دونوں ملکوں پر پابندیاں بھی عائد کی ہیں مگر ان حالات سے یہ بات ظاہر ہوتی ہے کہ امریکیوں کا مسئلہ کچھ اور ہے۔
انہوں نے دہشتگردی کے خلاف ایران اور روس کے مشترکہ تعاون کو اہم قرار دیتے ہوئے کہا کہ روسی صدر اور اسپیکر پارلیمنٹ نے ایران روس تعلقات کی توسیع کے لئے اہم فیصلے اُٹھائے ہیں۔
ڈاکٹرعلی لاریجانی نے مزید کہا کہ امریکی رویہ کچھ بدلا بدلا سا لگ رہا ہے لہذا ممکنہ حالات سے نمٹنے کے لئے ایران اور روس کے درمیان باہمی مشاورت میں اضافہ کرنا ہوگا۔
