شام کے خلاف امریکہ کا ہر اقدام بین الاقوامی قوانین کی خلا ف ورزی ہے
جمہوریہ چک کے معروف سیاستدان:
نیوزنور07/جمہوریہ چک کے ایک معروف سیاستدان نے کہا ہے کہ عرب جمہوریہ شام کے خلاف امریکہ کی کوئی بھی کاروائی بین الاقوامی قوانین کی خلاف ورزی ہے۔
عالمی اردوخبررساں ادارے’’نیوزنور‘‘کی رپورٹ کے مطابق ایک انٹرویو میں ’’جیری پوروبیک‘‘نےکہاکہ عرب جمہوریہ شام کے خلاف امریکہ کی کوئی بھی کاروائی بین الاقوامی قوانین کی خلاف ورزی ہے۔
انہوں نے کہاکہ امریکہ مختلف بہانوں سےبحران شام کو مزید طولانی بنانے کی کوشش کررہا ہے۔
انہوں نے کہاکہ امریکہ کی سابقہ حکومتوں اورموجودہ حکومت نے شام وعراقی حکومتوں کو کمزور کرنے کیلئے دہشتگردوں کو اب تک اربوں ڈالر کے ہتھیار فراہم کئے ہیں۔
انہوں نے صوبے ادلب کو دہشتگردوں سے آزاد کرانے کی شامی فوج کی کوششوں کی حمایت کرتے ہوئے کہاکہ شام میں امن واستحکام کی بحالی کیلئے ادلب صوبے کی دہشتگردوں سے آزادی ناگزیر ہے۔
