عراق پر حملےکے صیہونی رژیم کیلئے تباہ کن نتائج برآمد ہونگے
تحریک نجباء عراق:
نیوزنور 06 ستمبر/عراق کی اسلامی تحریک مقاومت نجبا ءکے ترجمان نے کہا ہے کہ اگر غاصب صیہونی رژیم نے عراق کے خلاف جارحیت کی حماقت کی تو اس کے صیہونیوں کو تباہ کن نتائج بھگتنے پڑیں گے۔
عالمی اردوخبررساں ادارے’’نیوزنور‘‘کی رپورٹ کے مطابق ’’ہاشم الموسوی‘‘نے ایک بیان میں کہاکہ اگرغاصب صیہونی رژیم نے عراق کے خلاف جارحیت کی حماقت کی تو اس کے صیہونیوں کو تباہ کن نتائج بھگتنے پڑیں گے۔
انہوں نے کہاکہ غاصب صیہونی رژیم کا یہ بیان کہ وہ عراق میں بیلسٹک میزائل سائٹس کو ہدف بنائےگی بین الاقوامی قوانین کی کھلی خلاف ورزی ہے ۔
انہوں نے کہاکہ عراق صیہونی حکومت کو دندان شکن جواب دینے کو پوری طرح آمادہ ہے۔
انہوں نے کہاکہ عراق میں دشمنوں کا مقابلہ کرنے کی تمام صلاحیتیں موجود ہیں۔
انہوں نے کہاکہ اگر صیہونی حکومت نے عراقی خودمختاری اوراتحاد کو نشانہ بنانے کی کوشش کی تو عراق اس کا بھرپور جواب دےگا۔
