یمن ریاض اور ابو ظہبی کیلئے قبرستان ثابت ہوا ہے
ہفنگٹن پوسٹ:
نیوزنور05ستمبر/ایک معروف امریکی نیوز ایجنسی نے اس بات کے ساتھ کہ سعودی عرب کی قیادت میں یمن مخالف جنگی اتحا د شکست سے دو چار ہے لکھا ہے کہ یمن جارحین افواج کیلئے قبرستان ثابت ہوا ہے ۔
عالمی اردو خبررساں ادارے’’نیوزنور‘‘کی رپورٹ کے مطابق معروف امریکی نیوز ایجنسی ’’ہفنگٹن پوسٹ نے اس بات کے ساتھ کہ سعودی عرب کی قیادت میں یمن مخالف جنگی اتحا د شکست سے دو چار ہے لکھا ہے کہ یمن جارحین افواج کیلئے قبرستان ثابت ہوا ہے ۔
نیوز ایجنسی نے لکھا کہ ریاض اور ابو ظہبی کے انصاراللہ کو شکست دینے کے تمام حربے ناکام رہے ہیں ۔
نیوز ایجنسی کے مطابق سعودی اور امارتی فوجیں نہ صرف یمن میں خواتین و بچوں کا قتل عام کررہی ہیں بلکہ قیدیوں کے ساتھ بھی وہ بد ترین سلوک کررہے ہیں ۔
نیوز ایجنسی نے لکھا کہ ریاض اور ابو ظہبی کی یمن مخالف پالیسیوں کو ٹرمپ کی بھر پور حمایت حاصل ہے اسلئے سعودیہ اور ابو ظہبی کے حکام یمنی عوام کے خلاف سنگین سے بھی سنگین جنگی جرائم کا ارتکاب کرنے سے نہیں ہچکچا رہے ہیں ۔
روز نامہ نے لکھا کہ ریاض اور ابو ظہبی حوثیوں کو کمزور کرنے کیلئے القاعدہ کی حمایت کررہے ہیں اور اس حقیقت کو واشنگٹن نظر انداز کررہی ہے ۔
ہفنگٹن پوسٹ نے لکھا کہ ابو ظہبی اور ریاض کی پالیسیاں علاقے میں نئے تنازعات کھڑے کرنے کا باعث بن رہی ہیں ۔
واضح رہے کہ سعودی عرب نے امریکہ اوراسرائیل کی حمایت سے اوراتحادی ملکوں کےساتھ مل کر 26 مارچ 2015 ء سے یمن پر جارحیتوں کا سلسلہ جاری رکھا ہے اس دوران سعودی حملوں میں دسیوں ہزار یمنی شہید اورزخمی ہوئے ہیں جبکہ دسیوں لاکھ یمنی باشندے اپنا گھر بار چھوڑنے پر مجبور ہوئے ہیں یمن کا محاصرہ جاری رہنے کی وجہ سے یمنی عوام کو شدید غذائی قلعت اور طبی سہولیتوں اوردوائیوں کے فقدان کا سامنا ہے سعودی عرب نے غریب اسلامی ملک یمن کی بیشتر بنیادی تنصیبات اسپتالوں اور حتیٰ مساجد کو بھی منہدم کردیا ہے۔