امریکہ کا رویہ جنگلی بھیڑیوں کے جیسا ہے
ترک صدر:
نیوزنور03 ستمبر/ ترکی کے صدر نے امریکہ کی جانب سے مزید پابندیاں عائد کرنے پر کہا ہے کہ امریکہ کا رویہ جنگلی بھیڑیوں کے جیسا ہے اس پر بھروسا نہ کیا جائے۔
عالمی اردوخبررساں ادارے’’نیوزنور‘‘کی رپورٹ کے مطابق قرقزستان کے دورے کے دوران بزنس فورم سے خطاب کرتے ہوئے ترک صدر ’’رجب طیب اردوغان ‘‘نے کہا کہ ہمیں ڈالر کی اجارہ داری کے خاتمے کے لیے بتدریج کام کرنا ہوگا جس کے لیے ہمیں اپنی قومی کرنسی میں تجارت کو فروغ دینا ہوگا۔
ترک صدر نے کہا کہ کے استعمال سے ہمیں صرف نقصان ہی پہنچا ہے ہم اس کا استعمال بند کردیں گے تب ہی ہم کامیاب ہوں گے۔
واضح رہے کہ امریکہ اور ترکی کے مابین امریکی پادری کے معاملے پر کشیدگی کے بعد سے حکومت ڈالر کے بجائے اپنی کرنسی لیرا میں دیگر ممالک کے ساتھ تجارت اور سرمایہ کاری کی مسلسل کوششوں میں مصروف ہے۔ اس ضمن میں ترکی ایران اور روس سمیت کئی ممالک سے چیت کر رہا ہے۔
خیال رہے کہ ترکی میں فوجی بغاوت کے لیے مدد دینے کے الزام پر امریکی پادری کی ترکی میں گرفتاری کے بعد سے دونوں ممالک کے درمیان سخت کشیدگی جاری ہے کیوں کہ ترکی نے پادری کو رہا کرنے کے امریکی مطالبے کو یکسر مسترد کردیا ہے۔
