امریکہ کا فنڈنگ بند کرنا فلسطینی عوام کے خلاف کھلی جارحیت ہے
امریکی تجزیہ کار :
نیوزنور03 ستمبر/امریکہ کے ایک معروف سیاسی تجزیہ نگار نے کہا ہے کہ فلسطینی مہاجرین کیلئے اقوام متحدہ کے ادارے انروا کو دی جانے والی فنڈینگ بند کرنے کا امریکہ کا فیصلہ فلسطینی عوام کے خلاف اعلان جنگ کے مترادف ہے۔
عالمی اردوخبررساں ادارے’’نیوزنور‘‘کی رپورٹ کے مطابق ایک انٹرویو میں ’’ڈرار فیلر‘‘نےکہاکہ فلسطینی مہاجرین کیلئے اقوام متحدہ کے ادارے انروا کو دی جانے والی فنڈینگ بند کرنے کا امریکہ کا فیصلہ فلسطینی عوام کے خلاف اعلان جنگ کے مترادف ہے۔
انہوں نے کہاکہ اس طرح کا اقدام فلسطینی عوام کے خلاف ٹرمپ انتظامیہ کے جنگ کا تسلسل ہے۔
انہوں نے کہاکہ امریکہ کے اسطرح کے اقدام سے مشرق وسطیٰ علاقے میں ہر گز امن قائم نہیں ہوسکتا ۔
یکم ستمبر کو امریکہ نے اعلان کیا کہ وہ فلسطینی مہاجرین کیلئے اقوام متحدہ کے ادارے انروا کو دی جانے والی تمام فنڈینگ بندکررہا ہے۔
ادھر فلسطینی صدر کے ترجمان نے اس فیصلے کے ردعمل میں کہاکہ اس قسم کی سزا سےیہ حقیقت نہیں بدلے گی کہ امریکہ کا اب اس خطے میں کوئی کردار نہیں ہے ۔
انہوں نے کہاکہ یہ فیصلہ اقوام متحدہ کی قراردادوں کے خلاف ہے ۔
انروا کے ترجمان کریس گنس نے بھی امریکی فیصلے پر افسوس ظاہر کرتے ہوئے کہاکہ اس امریکی اقدام کے نتائج بہت تباہ کن ہونگے۔
