اونروا کی امداد بند کی گئی تو سنگین نتائج برآمد ہوں گے
دفتر اقوام متحدہ برائے انسانی حقوق :
نیوزنوریکم ستمبر/اقوام متحدہ کے دفتر برائے انسانی حقوق نے خبردار کیا ہے کہ اگر فلسطینی پناہ گزینوں کی کفالت کے ذمہ دارادارے اونروا کی مالی امداد بند کی گئی تو اس کے بھیانک نتائج سامنے آئیں گے۔
عالمی اردو خبررساں ادارے’’نیوزنور‘‘کی رپورٹ کے مطابق مقبوضہ بیت المقدس میں قائم اقوام متحدہ کے انسانی حقوق مرکز’’اوچا‘‘ نے اپنے ایک بیان میں خبردار کیا ہے کہ امریکہ کی طرف سے اونروا کی امداد بند کیے جانے کے بعد یورپی یونین کی طرف سے جتنی امداد کا اعلان کیا گیا ہے اس سے اونروا کی مالی ضرورت پوری نہیں ہوتی۔
بیان میں کہا گیا ہے کہ عالمی برادری،امریکہ اور یورپ کو اونروا کی غیر مشروط امداد جاری رکھنی ہوگی اور اگر یہ امداد بند ہوتی ہے تو اس کے خطرناک نتائج سامنے آسکتے ہیں۔۔
واضح رہے کہ امریکی اخبار واشنگٹن پوسٹ نے اپنی ایک رپورٹ میں کہا ہے کہ صدر ڈونالڈ ٹرمپ اونروا کی ساری امداد بند کرنا چاہتے ہیں اور اسے قبل بھی امریکی جریدے فارن پالیسی نے اپنی رپورٹ میں کہا تھا کہ صدر ٹرمپ اونروا کی مالی امداد بند کرنے کا فیصلہ کرچکے ہیں صرف اس پرعمل درآمد کا اعلان کرنا باقی ہے۔
