نیوزنور newsnoor

تحریک نجبا ءکے نائب سربراہ:

نیوزنور27اگست/عراق کی اسلامی تحریک مقاومت نجباء کے نائب سیکرٹری جنرل نے کہا ہے کہ علاقے اوردنیا کی مظلوم قوموں کی حمایت کرنے پر اسلامی جمہوریہ ایران کو ظالمانہ اقتصادی پابندیوں کے محاصرے میں لیا جارہا ہے۔

عالمی اردوخبررساں ادارے’’نیوزنور‘‘کی رپورٹ کے مطابق ’’یوسف الناصری‘‘نےکہا کہ علاقے اوردنیا کی مظلوم قوموں کی حمایت کرنے پر اسلامی جمہوریہ ایران کو ظالمانہ اقتصادی پابندیوں کے محاصرے میں لیا جارہا ہے۔

انہوں نے امریکہ کے ایران مخالف اقدام کی مذمت کرتے ہوئے کہا کہ اسلامی جمہوریہ ایران کے ساتھ بہتر اورقریبی تعلقات  عراقی قوم کے مفاد میں ہیں۔

انہوں نے کہاکہ اسلامی جمہوریہ ایران کو امریکہ کی طرف سے اس لئے نشانہ بنایا جارہا ہے کیونکہ ایران دنیا بھر کی مظلوم اقوام اور مقاومتی تحریک کا سب سے بڑا حامی ہے۔

انہوں نے کہاکہ اگراسلامی جمہوریہ ایران بروقت اقدامات نہ اُٹھاتا تو آج تکفیری دہشتگرد گروہ عراق پر قبضہ کرچکے ہوتے ۔

انہوں نے کہاکہ داعش  جسے امریکہ نے پروان چڑھایا ہے کی ذلت آمیز شکست میں اسلامی جمہوریہ ایران کے کردار کی وجہ سے بھی تہران کو امریکہ کی طرف سے  نشانہ بنایا جارہا ہے۔

انہوں نے کہاکہ اسلامی جمہوریہ ایران کے خلاف امریکی پابندیوں کے حوالے سے عراقی علمائے کرام کا مؤقف قابل ستائش ہے۔