امریکہ ، صیہونی حکومت اور سعودی عرب لبنان میں نئی حکومت بننے میں رکاوٹ پیدا کر رہے ہیں
حزب اللہ لبنان کے مرکزی کونسل کے رکن :
نیوزنور27اگست/حزب اللہ لبنان کے مرکزی کونسل کے رکن نے اس ملک کے صدر جمہوری کی حمایت کرنے کے ساتھ ساتھ اپنے ایک بیان میں کہا ہے کہ امریکہ ، صیہونی حکومت اور سعودی عرب لبنان میں نئی حکومت بننے میں رکاوٹ پیدا کر رہے ہیں ۔
عالمی اردو خبررساں ادارے’’نیوزنور‘‘کی رپورٹ کے مطابق حزب اللہ لبنان کے مرکزی کونسل کے رکن’’ حجت الاسلام شیخ نبیل قاووق‘‘ نے حسینہ معرکة الجنوبیه میں منعقدہ ایک تقریب میں شام اور لبنان کے درمیان تعلقات کے بقا کی تاکید کرتے ہوئے کہا کہ ان دو ملکوں کے درمیان کے رابطے کبھی بھی لبنان میں حکومت بنانے میں مانع نہیں رہا ہے اور بعض لوگوں نے اس طرح کے مسائل کو بنیاد بنا کر اپنی شکست کا اعتراف اور جو لوگ اس راہ میں موانع پیدا کر رہے ہیں ان کی اصلیت بتانے سے راہ فرار اختیار کر رہے ہیں ۔
انہوں نے کہا کہ حزب اللہ لبنان اس ملک کے صدر جمہور میشل عون کی قومی متحدہ حکومت بنانے اور رکاوٹ کو ختم کرنے کی کوشش کی حمایت کرتا ہے کیوں کہ اس ملک کی عوام کے حق میں بہتری اسی میں ہے ۔
حزب اللہ لبنان کے مرکزی کونسل کے صدر نے کہا کہ حکومت تشکیل دینے کے لئے حزب اللہ لبنان اور امل تحریک کا مؤقف مشخص ہے اور ہمیشہ راستہ ہموار کرنے کی کوشش میں ہیں اور اسی طرح جیسا کہ سیاست اور مقاومت میں ایک ساتھ تھے ترقیاتی میدان میں بھی ایک ساتھ رہینگے ۔
انہوں نے اپنی گفتگو کے سلسلہ کو جاری رکھتے ہوئے کہا کہ صیہونی غاصب حکومت ، امریکہ اور سعودی عرب کی حکومت ہر وہ عمل جس سے لبنان اور مقاومت محاذ کو مضبوطی حاصل ہوتی ہے اس کی شدت کے ساتھ مخالفت کرتے ہیں اس وجہ سے ابھی تک حکومت بنانے کا عمل سخت سازش کا شکار ہے ۔
حجت الاسلام شیخ نبیل قاووق نے مزید تاکید کرتے ہوئے کہا کہ حکومت تشکیل نہ پانا لوگوں کے مفاد میں نہیں ہے اور سیاسی و سماجی و مالی ثبات کے لئے خطرہ ہے ۔
