عرفات کا میدان مسلمانوں میں عملی اتحاد کا منظر پیش کرتا ہے
ایرانی اہلسنت عالم دین:
نیوزنور20 اگست/ اسلامی جمہوریہ ایران کے ایک اہلسنت عالم دین اور تربت جام کے امام جماعت نے کہا ہے کہ حج کے تمام اعمال روز آخرت کا منظر پیش کرتے ہیں بالخصوص عرفات کا میدان جہاں تمام مسلمان ایک جیسے لباس پہنے اور سر کھلے ہوئے میدان میں جمع ہوتے ہیں۔
عالمی اردوخبررساں ادارے’’نیوزنور‘‘کی رپورٹ کے مطابق تربت جام کے اہلسنت امام جماعت ’’ مولوی شرف الدین جامی الاحمدی‘‘ نےکہاکہ حج کے تمام اعمال روز آخرت کا منظر پیش کرتے ہیں بالخصوص عرفات کا میدان جہاں تمام مسلمان ایک جیسے لباس پہنے اور سر کھلے ہوئے میدان میں جمع ہوتے ہیں۔
انہوں نے کہاکہ عرفات کے دن امیرہو یا غریب، سیاہ ہو یا سفیدکوئی فرق اہمیت نہیں رکھتی اور روز قیامت کی طرح کوئی بھی شخص کسی پر برتری نہیں رکھتا یہی وجہ ہے عرفات مسلمانوں میں اتحاد اور وحدت کے ظہور کا باعث ہے۔
موسوف اہلسنت عالم دین نے مزید کہا کہ اُمت مسلمہ ایک اُمت ہے لیکن ان کے درمیان ظاہری سرحدیں قائم کر دی گئی ہیں اگر مسلمان حج سے واپسی پر بھی ایسی وحدت کو برقرار رکھیں گے توان سرحدوں کی کوئی حیثیت ہی نہیں ہےیہ سرحدیں مسلمانوں کے درمیان سے ختم ہوجائیں گی اور مسلمان ایک اُمت واحدہ کی صورت اختیار کر جائے گے۔
