امریکی پابندیوں کے باوجود ایران ترقی کے منازل طے کرتا رہے گا
ایرانی وزیر خار جہ:
نیوزنور20 اگست/ اسلامی جمہوریہ ایران کے وزیر خارجہ نے امریکی میڈیا کے ساتھ گفتگوکرتے ہوئے کہا ہے کہ امریکہ کی اقتصادی پابندیوں کا ایران پر کوئی اثر مرتب نہیں ہوگا اور ایران کا سفر ترقی و پیشرفت کی سمت جاری رہے گا۔
عالمی اردوخبررساں ادارے’’نیوزنور‘‘کی رپورٹ کے مطابق اسلامی جمہوریہ ایران کے وزیر خارجہ ’’محمد جواد ظریف‘‘ نے امریکی ٹی وی چینل سی این این کے ساتھ خصوصی گفتگوکرتے ہوئے کہا کہ امریکہ کی اقتصادی پابندیوں کا ایران پر کوئی اثر مرتب نہیں ہوگا اور ایران کا سفر ترقی و پیشرفت کی سمت جاری رہےگا۔
انہوں نے کہا کہ امریکہ میں اقتصادی پابندیاں عائد کرنے کی بیماری کا نشہ ہے یہ بیماری سابق صدر اوبامہ کے دور میں بھی تھی اس دور میں بھی امریکہ نے مشترکہ ایٹمی معاہدے کے مطابق پابندیاں ختم کرنے کے بجائے انہیں باقی رکھنے کی کوشش کی اور وہ پابندیاں اپنی جگہ باقی رہیں۔
ایرانی وزیر خارجہ نے مشترکہ ایٹمی معاہدے سے امریکہ کے خارج ہونے کی طرف اشارہ کرتے ہوئے کہا کہ مشترکہ ایٹمی معاہدہ ایک عالمی معاہدہ ہے اور اس معاہدے سے امریکہ کےخارج ہونے سے کوئی اثر نہیں پڑےگااورمشترکہ ایٹمی معاہدہ دوسرے ممالک کے ساتھ جاری رہےگا۔
ایرانی وزیر خارجہ نے مزیدکہا کہ امریکی پابندیوں کا ایران پر کوئی اثر نہ پڑا ہے اور نہ پڑےگا اورامریکی پابندیوں کے باوجود ایران پیشرفت اور ترقی کی شاہراہ پر گامزن رہےگا۔
